A26815:873
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Illi auctoritate Principis Mauritii nixi, omnia jura in se trahere, Proceres Hollandiae, qui plus quàm dimidiam partem subsidiorum in aerarium publicum conferebant, quorumque opibus nonnulli eorum ad commune foedus perducti erant, subditorum instar habere, optimum & sidissimum quemque è seed Magistratûs depellere, Oldenbarneveldium, Hogerbetium & Grotium hunc nostrum, illum universae Hollandiae, 1horum alterum civitatis Lugdunensis, alterum Rotterodamensis Assessors ⟨p. 423⟩in custodias trahere, delegatos illis judices dare, illegitimo modo accusare, indefensos damnare; Oldenbarneveldium septuagesimum secundum aetatis annum agentem capitali supplicio plectere, reliquos duos ad perpetuos carceres mittere, & omnia eorum bona publicare: nitentibus contra & vi• auctoritati suae inferri frustra clamantibus ipsis Hollandiae Ordinibus, donec optimis quibusque à muneribus suis dimotis, novisque in eorum loca contra leges impositis, omnia pro libidine eorum agi coepère qui istius novitatis auctores erant. Ita captus Hugo Grotius, vir innocentissimus & patriae suae, libertatisque publicae amantissimus, postquam novem per menses detentus Hagae fuisset, eorumque sex elapsi essent in conquirendo infensissimos quosque, quibus judicum munus tutò committerent, tresque reliqui in formandis accusationum capitibus essent conjuncti, interdicto interim uxori, liberis, parentibus, consanguineis & amicis, ne adire, alloqui, aut ullum operam praestare captivo, quamvis periculosè aegrotanti, ne quidem coram ipsis judicibus liceret. Damnatus tandem ad carceres perpetuos, bonaque ejus publicata sunt. 2Quod cùm ostensum judicibus esset per leges patriae non licere, nisi in damnatos Majestatis, anno post latam sententiam pronuntiatum ab iis est, sibi, dum ferrent sententiam, nullam aliam mentem fuisse, quàm Grotium, aliosque Majestatis fuisse reos. Inde Lupesteynium Hollandicae ditionis castellum in 3confinio Geldriae inter flumina Mosam & Vahalim situm, finiendae in pedore carceris vitae transportatur. Ubi postquam ultra sesquiannum sustentatus bonis uxoris, aspernantis judicum largitionem, qui vicenos & quatuor in diem asses alendo captivo, totique ipsius familiae assignaverant, studiis praecipuè impendisset, plurimasque ab iis, qui custodiae ejus praeerant injurias perpessus fuisset, tandem Dei Opt. Max.