Vitæ selectorum aliquot virorum qui doctrinâ, dignitate, aut pietate inclaruere

ubi partium arcana expiscando, & perferendo ad Legatos Foederatorum, non inutilem patriae suae operam praebuit. Post exactum biennium reversus est, cùm non pauci paulatim furore defoecati ac sedatiores, rectae rationi ac veritati oculos aperirent. Jam innocentia ejus gaudebat vultum erectum & pectus nullius flagitii conscium adversariis offerre; pertaesa etiam more maleficorum diutiùs extorris à patrio solo, de quo tam praeclarè meruerat, fugitivam vitam trahere. Pri[…] tranquillè, nemine obstante, in villâ aetatem agebat; sed cùm se Hagam ⟨p. 429⟩conferret, à Fisci procuratore accusatus, quod cum Abrahamo Vicquefortio, Serenissimi Ducis Brunsvicensis ad Foederatos Proceres publico ministro, literarum commercia habuisset, quodque detecta hostilium Legatorum secreta de pacis negotio ad Legatos Foederatorum detulisset, solà judicum integritate, vitam, famam, facultates, quibus simul inhiabant inimici, conservavit. Sic tandem bona causa triumphavit, mussante plebe. Posthaec ne adversarios adspectu suo ureret, migravit cum familiâ in villam, quam non procul Harlemo sitam habebat; ubi liberos suos educando, authors bonos terendo & amicos excipiendo Scipionis Africani & illustrium aliquod virorum exemplo, vitam nemini gravem, sibique nec injucundam nec indecoram coluit. Cum sic privatus quietè ac tranquillè aetatem ageret, morbo correptus, annum agens septuagesimum, mortem constanti ac hilari vultu excepit, utpote, quae in tutam stationem deduceret à teneris jam plurimis vitae procellis agitatum. Ubi livor, qui pascitur in vivis, sese consumserit, & partium studia deferbuerint; honoribus intaminatis fulgebit hujus viri decus, ejus virtutes ac gesta, quae summatim attingimus, posterorum annals loquentur, idcirco pauca quaedam de corporis habitu, & mentis dotibus delibare animus est. Corpore erat procero & oboeso. Papulae, quas parens ejus ad Benj. Maurerium de nostro scribens, ait fuisse velut abortivum partum effoetae pestilitatis, faciem ejus deformaverant, & alterum pedem ita contraxerant, ut totam vitam claudicaret. Ulyssem ferunt non formosum, sed facundum fuisse, & in Periclis labris Suadae Deam sessitavisse, quae verè in nostrum competebant. Animo autem erat candido & niveis moribus, in prosperis ejus comitas, in adversis constantia, in omnibus vitae actionibus intemerata fides elucebat. Post divinam suprema illi lex erat salus patriae.

ubi partium arcana expiscando, & perferendo ad Legatos Foederatorum, non inutilem patriae suae operam praebuit. Post exactum biennium reversus est, cùm non pauci paulatim furore defoecati ac sedatiores, rectae rationi ac veritati oculos aperirent. Jam innocentia ejus gaudebat vultum erectum & pectus nullius flagitii conscium adversariis offerre; pertaesa etiam more maleficorum diutiùs extorris à patrio solo, de quo tam praeclarè meruerat, fugitivam vitam trahere. Pri tranquillè, nemine obstante, in villâ aetatem agebat; sed cùm se Hagam