A40366:640
Christus triumphans comoedia apocalyptica / author Joanne FoxoChristus triumphans comoedia apocalyptica / autore Joanne Foxo
Christus triumphans comoedia apocalyptica / author Joanne Foxo ; edita est olim Basileae, anno 1556 ; Nunc denuo edita ... Editor T. C. Sidn. collegii, A. M.Christus triumphans comoedia apocalyptica / autore Joanne Foxo ; edita est olim Basileae, anno 1556 ; Nunc denuo edita ... Editore T. C. Sidn. collegii, A. M.
Londini : Impensis Rob. Clavel, 1672
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Por. Quanto in pretio ac honore sim, Ubicunque sim, omnibus!
Pseud. Narra quaeso.
Pornap. Quippe dum me effero 1E foribus ad te veniens, summam per plateam affectare viam Visum est. Hic ubi primùm conspicua sum, concurrunt ceu ad Deum Undique. Forum, ac vias omnes obstipà•i multitudine. ⟨p. 83⟩Mirari, sciscitarier à meis quae sim. Ecclesiam, inquiunt, Omnipotentis Dei, Agni sponsam, veritatis columen. Procumbere omnes ilico, adorare oppidò: quin & pedum Porrò osculari vestigia Mox tres siunt Reges obviam: Iis propino cyathum fornicarium huncce. Vinum ubi Concaluit, vultus primùm labascere omnium; simul Inter se consusurrari invicem, inde ut submoveam rogant Famulos: semovi. Soli ubi sumus, occipiunt, formaquae Mea, aetasque sua: amoris pariter quàm impotens telum siet. Quorsum inquam haec? Vin' scire? Admodum. Arcanum at id esse: etsi pudeat haud, Posse haud fateri tamen Aurem do, faciem quo magis (inquiunt) Spectamus hanc, minus hoc ferre quimus. Quid tum? Unius ut Concedas noctis copiam. Quod ni impetrent, nullos fore. Suadent., orant, obfecrant, suspirant. ⟨p. 84⟩hic ego vultum, oculos, Ac gestus hominum attendo satis, lustroque singula. Ubi seriò agere video, coepi detrectare primulùm, Suevimus ut meretriculae, cupidos cum cupimus magis esse, qui Nos ambiunt. demum ignescere ubi cerno, magis memet dare His familiarius. Postremò, quid verbis opus? Annui, Pignus coepi, cras ut redirent jussi. Siquidem diem tibi, ut Dixi, hunc Pseudamne datura sum.