A40366:739
Christus triumphans comoedia apocalyptica / author Joanne FoxoChristus triumphans comoedia apocalyptica / autore Joanne Foxo
Christus triumphans comoedia apocalyptica / author Joanne Foxo ; edita est olim Basileae, anno 1556 ; Nunc denuo edita ... Editor T. C. Sidn. collegii, A. M.Christus triumphans comoedia apocalyptica / autore Joanne Foxo ; edita est olim Basileae, anno 1556 ; Nunc denuo edita ... Editore T. C. Sidn. collegii, A. M.
Londini : Impensis Rob. Clavel, 1672
Act 5 › Scene 2: Actus V. Scena II. Trochaici Tetrametri Catalectici.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Satan. Ominosa haec mihi Perparum placent.
Pseud. Sed ubi ille haereticus interim?
Psycheph. Papae, Interim? tun' haereticum esse dicis? jusque Concilii Violas? haud faxis nefas.
Pseudamn. Haereticum dieo, hac qui modò.
Psych. Vah intelligo, Hierologum nempe illum, hâc qui se abduxit recens, ⟨p. 95⟩Cum Europo unà: per plateam dextram. Collegium Ubi si•, nostin'? ultra ponticulum. Ego pone insequor immaniter. Ubi persensi••, obliquat viam, in vicum alium, item in alium. Ad fanum donec ventum sit. hic quia instaro me videt, Nec desistere, viam vorat pedibus, quantum valet. Denique cursu vicit carnifex. At ubi sit, propè Tamen hariolor. Ad forum cum acceditis escarium, Quadrivium illic est, transversis plateis sese in angulos Rectos scindens. hic relicta dextra, ad laevam vergite: Vicus quà declivis, rectà ad portam vos praecipitat, Versus utramque ursam: illic secus portam, adeoque vel in Ipsa porta potius, carcer Bocardo est, ibi est. Capin'?