B07434:636
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
261. Tegheam anois go míniughadh, & go hiomfhosgladh na bfocal: & ar tús creud fa mó do bhearthar ainm an'athar do Dhia and so jna ainm ele ar bioth?
261. TEgheam anois go míniughadh, & go hiomfhosgladh na bfocal: & ar tús creud fa mó do bhearthar ainm an'athar do Dhia and so jna ainm ele ar bioth?
O jarrthar do chum ceart mhodha guidhe dóchus sámhach daingean an choinsiasa os an'uile, ata DIA agabhail ananmasa chuige fain, ag nach fhuil maoin ac fuáidhm fiórbhlastachta, do chum jar gcrathadh, & jar bfuadach gách vile dhoilghise, & rochúraim as ar n'indtindibh go ndenadh sear gcuireadh go companta caibhneasach chuige fain da eadarghuidhe.
O jarrthar do chum ceart mhodha guidhe dóchus sámhach daingean an choinsiasa os an'uile, ata DIA agabhail ananmasa chuige fein, ag nach fhuil maoin ac fuáidhm fiórbhlastachta, do chum jar gcrathadh, & jar bfuadach gách uile dhoilghise, & rochúraim as ar n'indtindibh go ndenadh se ar gcuireadh go companta caibhneasach chuige fein da eadarghuidhe.
262. Maseadh an gurab dána lind; no ambiaidh achroidhe againd dull gach díreach ga Dia, mar ghnathaigheas an chland dhul do chum an'aitreadh?
262. Maseadh ane gurab dána lind; no ambiaidh achroidhe againd dul gach díreach ga Dia, mar ghnathaigheas an chland dhul do chum an'aitreadh?