¶An Epistle of Bishop Hooper in Latin sent to the convocation house touching matters of Religion.¶An Epistle of Bishop Hooper in Latine sent to the conuocation house touching matters of Religion.
pp. 2135–21369 passages
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
¶An Epistle of Bishop Hooper in Latin sent to the convocation house touching matters of Religion.
¶An Epistle of Bishop Hooper in Latine sent to the conuocation house touching matters of Religion.
*Episcopis, Decanis, Archidiaconis, & ceteris Cleri ordinibus in Synodo Londinensi congregatis: Gratiam & Pacem á Domino.
NOn vos latet (Viri doctissimi) in rebus arduis, ambiguis,1 & causis difficili oribus, judicium apud veteres (juxta mandatum dei) delatum fuisse semper ad sacerdotes Levitas, & ad praesidem, qui pro tempore, judicis munere fungebatur: ut omnes hi causas & lites difficiliores explicarent, ex praescripto legis dei. Ita qualescunque controversiae fuerunt: ex sententia sacerdotū- & praesidis, ad normam & praescriptum legis Dei lata, componebantur. Et ab eo quod judices, partibus litigantibus statuissent: nullo modo erat declinandum. Quod si quis contumatius sacerdoti aut praesidi non paruisset, juxta legem Dei sententiam pronuncianti: poenas contumaciae morte tuebat, quo populus hac ultione & contumaciae vindicta admonitus, metueret: & deinceps insolescere desisteret. Quam difficiles, imò quàm periculosae, inter nos & vos de re Eucharistica, lites agantur: vestrae conciones, scripta, & libelli testantur: nos veró qui meliorem, veriorem, & antiqui ssimam fidē sustinemus, confiscation omnium bonorum nostrorum, dura & inhumana carceris seruitute sentimus. Quare mei ipsius nomine, ac omnium fratrum qui mecum eandem Catholicae ac sanctae religionis veritatem profitentur: vos omnes in Christo Jesu obtestor, ut causam hanc, vel aliquam quamcumque ob religionem ortam, inter nos & vos, deferre dignemini ad supremam, curiam parliamenti: ut ibi utraque pars coram sacro & excelso senatu sese religiose, & animo submisso, judicio, & autoritati verbi Dei subijciat. Et si vestram religionem quam sanctam, orthodoxam, ac Catholicam esse contē ditis, ex verbo dei asserere potestis, illam & nos libenter amplexabimur: Nostram quam modo pro sacrosancta defendimus, repudiantes. Gratias item Deo & vobis agentes quam maximas, ꝙ per vos ab erroribus liberati, ad veritatis cognitionem revocemr. Non solum aut hoc a vobis obtestamur, ut vos vestramque causam judicio verbi dei coram summo parliamento deferatis: verum etiam ut nobis commodum detur tempus, quó veterum scripta & sacras literas evoluamus, á sancto senatu impetrare dignemini. Et si ibi justas ac legitimas rationes fidei nostrae, non reddiderimus: judicio magistratus nos ipsos submittimus, ut debitam ultionem nostri sceleris & impietatis nobis infligat. Si haec facere non recusaveritis, religio quam castam, illibatam, & saluam, ac ab omnibus amplectandam esse contenditis: