A09447:654
Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…
Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci Coccij. Et propaideiæ [sic] juventutis in lectione omnium patrum. Editum post mortem authoris operâ & studio Samuelis Wardi.Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci Coccij. Et propaideiæ [sic] iuventutis in lectione omnium patrum. Editum post mortem authoris operâ & studio Samuelis Wardi.
Cantabrigiæ : Ex officina Joannis Legat. Anno Dom. M.D.CIIII. Extant Londini apud Simonem Waterson in Cœmeterio D. Pauli ad insigne Coronæ, 1604Cantabrigiæ : Ex officina Ioannis Legat. Anno Dom. M.D.CIIII. Extant Londini apud Simonem Waterson in Cœmeterio D. Pauli ad insigne Coronæ, 1604
PROBLEMA. › Demonstratio Problematis. › Descensus (ad patres liberan-DOS) AD INFEROS.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Descensus (ad patres liberan-DOS) AD INFEROS.
1 Veteres nonnunquam descensum Christi ad Inferos virtualem, & liberationem ab Inferis virtualem, id est, per meritum & per virtutem passionis & mortis, non localem adstruunt. Aug. in Psal. 85. hoc ipsum agnoscit. Et Durand. l. 3. Sent. dist. 22. q. 3. negat descensum Christi ad locum damnatorum, aliter quàm per effectum. Thomas etiam part. 3. q. 52. art. 2. asserit, Christum praesentiâ reali in Limbo tantùm fuisse, non in loco damnatorum nisi per effectum aut virtutem. Hoc sensu pleraque testimonia Veterum figuratè accipienda sunt. Pari modo dicunt Adamum aliosque apud inferos esse, non quoad situm loci, sed quoad meritum, etiam ante discessum è corpore.
2 Qui vero tuentur localem & descensum, & liberationem communiter non tuentur ut articulum fidei Catholicae, sed ut probabile quid, ex opinione probabili. Id argumento esse potest, quòd rarò solebant ponere in Symbolis & Confessionibus fidei. Ruffin. in exposit. Symboli. Sciendum est quod in Ecclesiae Romanae Symbolo non habetur additum. Descendit ad inferos: sed neque in Orientis Ecclesiis habetur hic sermo, vis tamen verbi eadem videtur esse in eo, quòd sepultus dicitur. Imò in nullis ferè veterum Symbolis & Confessionibus habetur. Non est in confessione Marcelli apud Epiphanium: non in Confessione Ignatij, in epistola ad Magnetianos, vel ad Ephesios. Non in epistola Policarpi ad Philippenses: Non apud Justinum Martyrem in Apolog. 2. Non in formula fidei apud Iren. l. 1. c. 2. Non in Symbolo apud Tertullianum