Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

Justificatio.

Iustificatio.

1 Augustino & Patribus, pugnantibus cum Pelagio, justitia est inhaerens sanctitas, vel nova obedientia: gratia, auxilium Spiritus Sancti: justificare, ex iniusto justū facere: reipsâ tamen nobiscum sentiunt, novam obedientiam non esse perfectam in hac vitâ; nosque solâ obedientiâ mortis Christi satisfacere judicio Dei, & acceptari ad vitam aeternam asserunt. Vide veterum expositiones in 2. Cor. 5. 22. August. de verbis Apost. Ser. 6.—Vi nos simus justitia Dei in ipso. Videte duo, justitiam Dei & non nostram: in ipso, NON IN NOBIS. Rursus de Spir. & lit. c. 26. Justificatio factoribus legis non accidit, sed factores legis justificatio praecedit—. Aut certè ita dictum est, Justificabuntur, ac si diceretur justi habebuntur, justi deputabuntur. Et de fide & operibus. cap. 14. epist. 120. c. 30. Bona opera sequuntur justificatum, & non praecedunt justificandum. Et exposit. inchoat. epist. ad Rom. Homines credendo justificati, demceps justè vivere incipiunt. Hieron. in 2. Cor. 5.—Ita & Christus propeccatis nostris oblatus, peccati nomen accepit—, ut nos efficeremur justitia Dei in ipso, NON NOSTRA NEC (IN) ^oNOBIS. Chrysost ibid. Justum fecit peccatorem, ut peccatores faceret justos. Imò neque sic dixit, sed quod multò maius erat. Non enim qualitatem posuit, sed substantiam: non dixit peccatorem sed peccatum, ut nos fieremus, non dixit justi sed justitia, & justitia Dei, Dei enim est ista, quando non ex operibus, quando necessarium est etiam MACULAM NULLAM inveniri, sed à gratia justificatio fit. Rursus homil 17. in Rom. 10. ait, Quod si Christo credideris & legem implêsti, & multò plura quàm ea praeceperat: multò siquidem matorem jam accepisti justitiam. Anselmus in 2. Cor. 5. Deus fecit Christum peccatum, ut nos efficeremur justitia dei in ipso▪ Ipse ergo factus est peccatum, sicut nos justitia: nec nostra, sed Dei (id est non à nobis, sed à Deo) nec in nobis sed in ipso: sicut ipse factus est peccatum, nec suum sed nostrum: nec in se sed in nobis constitutum. Bernard. Serm. c. ad milit. Templi 11. Porro mors Christi morte fugatur, & Christi nobis justitia imputatur. Epist. 190. Assignata est homini aliena justitia, quia caruit suâ—. Satisfactio