Vitæ selectorum aliquot virorum qui doctrinâ, dignitate, aut pietate inclaruere

hunc multis legationibus, Germanicis, Polonicis, Italicis, pietate, ingenio, art, judicio clarissimum, Electori Saxoniae charissimum. Hubertum, denique Languetum Burgundum dici non potest, quanto loco habuerit: quoniam ¹in eo verissime, teste magno veracique viro, imo ipso seculo teste, cum pictat• doctrina, cum conscientia scientia, cum natura ars, cum disciplina denique rerum usus certabat. Ab hoc viro nunquam see Dhonanus abijsse professus est, qu • vel doctior, vel melior rediret. Ex his omnibus cum alia didicit Dho••nus, tum imprimis arcana Reip. pace belioque profutura. Noverat autem ⟨p. 461⟩jam in aetate illa singularem artem, tota deinceps vita ab eo exercitam, qua reconditi sapientiae thesauri à viris praeclaris, quasi carmine ac veneficio eliciuntur. Ea cujusmodi fuerit non defugiam referre: sed prius veniam mihi dari postulo, si cui minus placuerit, dumb id ago, virum summum cum mutis animantibus ²conferri: quod tamen non facio sine magnis exemplis. Tarantus animal Scythicum est, magnitudine bovis, capite simile cervo, ungulis bifidis, villis magnitudine ursi, atque ubi sui est coloris, asini simile, caeterum, ut aiunt, omnium arborum, fruticum, florum locorumque, in quibus latitat, colorem pilis ³repraesentans: unde capi facile, aut internosci à venatoribus nequit. Dhonanus tarantum nobis, sed laudabili instituto, imitabatur. Etsi enim tot excellentia ingenij dona facile eum cordatiori cuilibet commendarent: tamen aliunde etiam praesidium quaerens, summa see animi solertia accommodabat praestantissimi cujusque moribus: imo suavi quadam comitate & modestia, velut virtutis condimento, tanto se gratiorem omnibus redd•bat; quanto singuli eorum, quos coleret, genium illius suo similiorem putarent. Hoc nempe est philtrum, hoc fascinum; sed liberale, sed honestatis plenum: cui etiam gravissimus quisque longe melius, quam ad leves amores, aptare possit illud Po•tae. —ut ameris amabilis esto.