A26815:1116
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Ille vero animo invictus, host circa Lingam & Vesaliam aliquandiu circumducto, praesidio ad Rhenum & Vahalim, Patriae tuendae, & hostium incursionibus arcendis, relicto, ex inopinato Sylvae Ducis imminere, castra locare, dolabram & ligonem expedire, ingenti & supra fidem propemodum quinquaginta millium passuum corona, & gemina quidem, hosti undiquaque arcendo, urbem cingere, viginti quatuor horarum spatio fossam ducere, trium septimanarum absolvere, ⟨p. 503⟩& tot è cespite lineas, aggeres, vallos, stations, munimenta, moles, turres, suggestus, loricas, forcipes, lunata & cornuta opera excitare, ut admirationem omnem excederent. Urbs urbe obsideri videbatur, & castra castris. Nec flumina tantum pontibus instrata, & tabulatis, siccatae paludes, completae voragines, sed & hosti faventes amnes alveis suis exciti, & commodo obsidentibus loco fluere jussi, immo tota naturae facies immutata. Inusitati istius operis gloria debebatur quidem scientiae militari Imperatoris, imputanda tamen etiam erat curae ejusdem incredibili, dies noctesque inter fossores & milites partientis, aemulas gentes gloriae cupiditate accendentis, labores & pericula cum milite inter strages & flammas miscentis, nec nisi in tubo aeneo naturam ferme deficientem parcissimo somno sustentantis, donec miles & castra in tuto essent. Meruit revera Heroico isto coepto, & indefesso labore, ut & potentissimorum Regum esset admiratio, & totius propemodum Europae stupor. Correxere brevi contemptum Hispani, obsessi jocos, Bergius etiam, cum valido xxxvi. millium exercitu obsessis laturus suppetias, dicterium, ex tubicine quaerens; An Auriacus discessum suum in exercitus sui adventum differret? Distulit sane, sed castris ita munitis, ut ne audaciae quidem potentissimi exercitus locum relinqueret. Bergius, desperata liberation urbis urbe vallatae ad nova consilia conversus, milite foederato ad Patriae tutelam relicto, vel eluso, vel segni, Isalam flumen, veterem Drusi fossam, ex improviso trajicere, in Velaviam exscensionem facere, Betaviae imminere, Caesareas copias ad se evocare, ferrum & terrorem in viscera Patriae infer, isto potius quam illo Amersfurto potiri, consternationis Geldricum, Batavum, Ultrajectinum & Transisulanum limitem implere. Necessitati Reipublicae danda videbatur castrorum Sylvaeducensium desertio, & tutiora consilia plerisque visa potiora honestioribus.
Ille vero animo invictus, hoste circa Lingam & Vesaliam aliquandiu circumducto, praesidio ad Rhenum & Vahalim, Patriae tuendae, & hostium incursionibus arcendis, relicto, ex inopinato Sylvae Ducis imminere, castra locare, dolabram & ligonem expedire, ingenti & supra fidem propemodum quinquaginta millium passuum corona, & gemina quidem, hosti undiquaque arcendo, urbem cingere, viginti quatuor horarum spatio fossam ducere, trium septimanarum absolvere,