Vitæ selectorum aliquot virorum qui doctrinâ, dignitate, aut pietate inclaruere

Mox Venloam, Rurem•••am, Stralenam Herois nostri virtute Reipublicae Numinis favour adjecit, integri quidem anni spem, sed paucorum dierum fructum, quem una Ernesti Nassovij, fortissimi Ducis, strages funestavit. Invitare videbatur Imperatorem ad novas victorias ipsa felicitas, & vires hostis in Germaniam sistendis Gallorum armis, Austriacae potentiae suspectis, accitae. Munimentis itaque alijs ad Mosam occupatis, aditu complanato, & magno instrumento Herois nostri singulari dexteritate Patriae conciliato, Trajectum itum, & flumen exercitui tramittendo ponte instratum. Mox ⟨p. 505⟩urbs ipsa, natura, situ, art, praesidio, commeatu, machinis, & apparatu omni mirum quantum instructa, ex improviso, in quo praecipuum belli momentum, cincta, stations designatae, paucarum horarum spatio ad sustinendum impetum erectae, moles maximae excitatae, dies noctesque continuatae, & corona omne genus munimentis intexta incredibili celeritate absoluta. Nec vel validum à Joanne Nassovio praesidium urbi illatum, vel exercitus hostilis ad Mosam appropinquans, vel Corduae è Germania maturrime revocati accessus, vel ipsa obsessorum virtus sive Imperatoris ardori, sive operarum festinationi intercedere potuere. Vineis quoque nova, sed tuta via tunc primum reperta, nec telis tantum & armis, sed etiam notitiae, immo & conjecturae hostis inaccessa. Infra fossarum ipsarum profunditatem è fundo puteorum itum, admirando Herois nostri invento, nunquam ante viso, nunquam audito, & miro quidem successu. Grassabatur fossor tutus sub milite, & illudebat securitati illius, qui haerebat in mobili cespite, & ordinario opere, inusitati improvidus. Validiori sane exercitu opus videbatur frangendae hostis pertinaciae, qui ne glebam quidem nisi multo sanguine tinctam cedebat victory. Ne integrum tamen in opere isto, utut sui temporis maximo, Imperator detinendum Reipublicae & famae suae interesse censuit. Submisso itaque in Flandriam Gulielmo Nassovio, cum lecta militum manu munimenta Crucis & Annae nominibus clara adortus ad Scaldim vicit, dum ad Mosam pugnaret, & eo ipso hostem de urbe liberanda desperare jussit, cui expugnandae vel pars exercitus sufficere videretur. Incredibile dictu, quot & quibus ibi periculis caput suum objecerit Imperator, fossori dies noctesque praesens ac militi, quibus curis, vigilijs, laboribus generosum animum macerarit.

Mox Venloam, Rurem•••am, Stralenam Herois nostri virtute Reipublicae Numinis favor adjecit, integri quidem anni spem, sed paucorum dierum fructum, quem una Ernesti Nassovij, fortissimi Ducis, strages funestavit. Invitare videbatur Imperatorem ad novas victorias ipsa felicitas, & vires hostis in Germaniam sistendis Gallorum armis, Austriacae potentiae suspectis, accitae. Munimentis itaque alijs ad Mosam occupatis, aditu complanato, & magno instrumento Herois nostri singulari dexteritate Patriae conciliato, Trajectum itum, & flumen exercitui tramittendo ponte instratum. Mox