A26815:1122
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Cum tanto Belgicae Hispanis obnoxiae rector commissa Nostri virtus in Trajecti ad Mosam ab hoste vallari ceptae liberatione enituit, quam sola Bredanae obsidionis simulatione, tanta de ejus virtute & sclicitate erat existimatio, procuravit. Ista decora sequuturorum auctoramenta fuere. Cum regio Hispaniarum Principe recens in Germania victor comity debuit, & Regio exercitui ipse praefici. Datum hoc non tam foederi inter potentissimum Regem & Patres icto, quam virtuti Imperatoris ⟨p. 507⟩& existimationi, cui nec hostis nec socius reperiebat parem. Sed qui imperare noverat alijs, sibi non segnius imperabat. Nec vel dignitatem illam admisit vel exercuit, nisi diu cum Patrum hortatibus, & sua modestia luctatus. Praesagire videbatur providissimus futurorum animus, tantus conatus, integro bello conficiendo pares, plus valituros ad terrorem quam ad victor • m, sive quod lenta vasti corporis praevideret molimina, sive quod plus suae disciplinae tribueret, quam numero, sive quod tot victoriae instrumentis victoriam ipsam corrumpi putaret. Et sane, quanvis nec socijs Ducibus virtus, nec ad arma natae Gallorum genti ardor deesset, omnia summa sub Hero nostro tentandi, obstare tamen videbatur vismajor tantis ausis. Non raro equidem maximis etiam conatibus occulta quaedam Dei providentia intercedit, ne vel humanis consilijs, vel victoriarum instrumentis id tribuatur, quod earum auctori debetur, & uni quidem. Illi uni imputandum, quod ingens iste in hosticum impetus, qui ad plenam victoriam sufficere videbatur, minus cesserit ex voto. Sic omnia humana pila sunt in manu illius, qui omnia versat pro arbitrio, & fritillus, in quo varia tesserarum facies momento apparet. Herois tamen nostri providentiam sinisterior etiam successus commendavit, quippe cui salutaribus consilijs, nisi mens laeva quibusdam fuisset, in tempore praeversum volebat. Et ut calamitas calamitati socia esse solet, sic Imperatorem non tantum minus prospera Foederatorum, sed & Patriae clades exercere deb•ere, ut eo illustrior illa virtus esset, quo magis urgeretur inter adversa rerum.
Cum tanto Belgicae Hispanis obnoxiae rectore commissa Nostri virtus in Trajecti ad Mosam ab hoste vallari ceptae liberatione enituit, quam sola Bredanae obsidionis simulatione, tanta de ejus virtute & sclicitate erat existimatio, procuravit. Ista decora sequuturorum auctoramenta fuere. Cum regio Hispaniarum Principe recens in Germania victore committi debuit, & Regio exercitui ipse praefici. Datum hoc non tam foederi inter potentissimum Regem & Patres icto, quam virtuti Imperatoris