Vitæ selectorum aliquot virorum qui doctrinâ, dignitate, aut pietate inclaruere

Enimvero quid mirum magis, quam arma alio destinata praeter spem, adversa tempestate, in hanc operam conversa, urbem supra Europaeas ferme omnes septendecim propugnaculis, creberrimis molibus, latissimis fossis, aggeribus, loricis, sepibus, praesidio, machinisad pertinacem defensionem instructam, obsessam fuisse prius quam obsideri creditam, tridui spatio hosti interclusam, Regio exercitui inaccessam redditam, flumina adversa, obstructa, nostra, aperta inter potentissimi exercitus impetus & insidias, servata, & tanti momenti, tantae famae munimentum vix totidem septimanarum spolium fuisse, quot Maximus Dux menses in ea vallanda, quum magis ad vim pateret, ipse tamen eam desperaret, consumsit? Prodigum istum propemodum coeli in virtutem & gloriam Herois nostri favorem Foederata Belgica vel uno isto experimento discere debuit. Non invidit ille interea Regio Principi Venloae & Ruremondae, sive terrore, sive aureis hastis expugnatarum spolia vix tanto host digna, contentus trium Provinciarum, Vahalis etiam & Mosae, securitate, quam sola unius urbis recuperatione cum immortali nominis sui gloria Reipublicae comparavit. Id vero admirationem omnem excedit, nunquam Herois nostri gloriam magis enituisse, quam quando solita rerum humanarum inconstantia conatibus ipsius quam maxime intercessisse videbatur. Testis funesta illa ad Calloam aggerem clades, & res minus ex voto tum in Flandria tum in Sicambris gesta, ubi conscius consiliorum Miles sua etiam strage luere coactus fuit non observata imperia, & segne obscquium. Nunquam sane infeliciter pugnatum, nisi quando imperata ab Heroe nostro vel incuriosius excepta, vel segnius impleta fuere. Dumb vero dicto audiens fuit Ductor & Miles, utrique suus honos, Reipublicae vero gloria constitit illibata. Nec exiguae cladis ultio diu dilata fuit, sed pro myoparonibus aliquot, & paucis cohortibus littus Britannicam multo Hispanorum sanguine rubuit, & immanis ista navium sylva mari innatans non ventorum, ut Anno M D lxxxviii. sed virtutis vestrae spolium suit. Enimvero ut classis ista, Regnis etiam formidabilis, Nostrum non latuit, antequam navigaret, sic ex quo in freti Britannici angustias see induit, Heroi nostro oppertuna ad victoriam visa fuit.

Enimvero quid mirum magis, quam arma alio destinata praeter spem, adversa tempestate, in hanc operam conversa, urbem supra Europaeas ferme omnes septendecim propugnaculis, creberrimis molibus, latissimis fossis, aggeribus, loricis, sepibus, praesidio, machinisad pertinacem defensionem instructam, obsessam fuisse prius quam obsideri creditam, tridui spatio hosti interclusam, Regio exercitui inaccessam redditam, flumina adversa, obstructa, nostra, aperta inter potentissimi exercitus impetus & insidias, servata, & tanti momenti, tantae famae munimentum vix totidem septimanarum spolium fuisse, quot Maximus Dux menses in ea vallanda, quum magis ad vim pateret, ipse tamen eam desperaret, consumsit? Prodigum istum propemodum coeli in virtutem & gloriam Herois nostri favorem Foederata Belgica vel uno isto experimento discere debuit. Non invidit ille interea Regio Principi Venloae & Ruremondae, sive terrore, sive aureis hastis expugnatarum spolia vix tanto hoste digna, contentus trium Provinciarum, Vahalis etiam & Mosae, securitate, quam sola unius urbis recuperatione cum immortali nominis sui gloria Reipublicae comparavit. Id vero admirationem omnem excedit, nunquam Herois nostri gloriam magis enituisse, quam quando solita rerum humanarum inconstantia conatibus ipsius quam maxime intercessisse videbatur. Testis funesta illa ad Calloam aggerem clades, & res minus ex voto tum in Flandria tum in Sicambris gesta, ubi conscius consiliorum Miles sua etiam strage luere coactus fuit non observata imperia, & segne obscquium. Nunquam sane infeliciter pugnatum, nisi quando imperata ab Heroe nostro vel incuriosius excepta, vel segnius impleta fuere. Dum vero dicto audiens fuit Ductor & Miles, utrique suus honos, Reipublicae vero gloria constitit illibata. Nec exiguae cladis ultio diu dilata fuit, sed pro myoparonibus aliquot, & paucis cohortibus littus Britannicam multo Hispanorum sanguine rubuit, & immanis ista navium sylva mari innatans non ventorum, ut Anno M D lxxxviii. sed virtutis vestrae spolium suit. Enimvero ut classis ista, Regnis etiam formidabilis, Nostrum non latuit, antequam navigaret, sic ex quo in freti Britannici angustias se induit, Heroi nostro oppertuna ad victoriam visa fuit.