Vitæ selectorum aliquot virorum qui doctrinâ, dignitate, aut pietate inclaruere

Caeterum Ecclesia Wintoniensis tanti patris orbitate perculsa, haud diu negotium differendum rata, literas ad Regem statim ablegavit; quibus ipsum super ⟨p. 62⟩Henrici Cardinalis morte certiorem fecit (tàm subitae festinationis parùm ut videtur conscia) potestatem sibi novi praesulis surrogandi dandam hisce verbis humillime deprecata.

LITERA Missa Domino Regi pro licentia obtinenad ¹ad Episcopum eligendum. EXcellentissimo in Christo principi, & Christianissimo Regi nostro Domino Henrico, Dei gratá Regi Angliae & Franciae, et domino Hiberniae, nos vestri humiles & devoti orators continui, Prior Ecclesiae vestrae Cathedralis Winton, & ejusdem loci Capitulum salutem in eo cui omnes Reges famulantur, & per quem principes proximè dominantur, Vestrae regiae Majestati cum ea quâ decet reverentiâ, tenor praesentium intimamus, quòd recolendae memoriae Dominus Henricus Beuford ultimus Episcopus noster, die Martis, undecimo Aprilis jam instantis ad vitae suae terminum (quod dolentes referimus) pervenit (veruntamen foeliciter ut speramus;) ne igitur sedes Episcopalis antedicta, diutino pastorum solatio destituta, suae vacationis detrimenta deploret, aut jacturam in spiritualibus seu temporalibus patiatur, advestrae cels•udinis Regiae praesentiam unanimi nostro consensu & assensu, nos fratres Robertum Puriton Subpriorem, ac Richardum Marlebergh Hordarium, confratres & commonachos nostros mittimus per praesentes dictae vestrae excellentiae humiliùs, quo possumus, supplicantes, quaetenus, ut ad liberam futuri Episcopi & pastoris Ecclesiae vestrae memoratae electionem procedere valeamus, licentiam gratiose concedere dignetur vestrae regalis gratiae magnitudo; quam ad sui laudem & honorem, ad inimicorum colla subiuganda, atque ad populi sui meritorium regimen foelicissimè regat & gubernet clementia Salvatoris per tempora duratura. Datum sub sigillo nostro communi in domo nostra Capitulari 12. die dicti mensis Aprilis. Anno Domini 1447.