Vitæ selectorum aliquot virorum qui doctrinâ, dignitate, aut pietate inclaruere

Profitebatur etiam nonnunquam ingenium, cum Smendio rus eundum esset, ubi dicebantur milites vagari, qui graviores solebant discedere, quam venire, paratos aliquot viginti nummos aereos, quibus hodie pro calculis utimur, clam Smendio condidit in manum, & hos, inquit, cum in fures istos incideris, pro veris nummis, rapacissimis illis nebulonibus in terram objice. Interim, dumb ipsi ruunt in praedam, tu subditis calearibus volucrem equum in fugam age, salvis nummis. Adeo solicitus erat pro salute herili, nescius quanto versatiores sint in his artibus, qui vivunt sub signis, quam qui sub umbra.

Profitebatur etiam nonnunquam ingenium, cum Smendio rus eundum esset, ubi dicebantur milites vagari, qui graviores solebant discedere, quam venire, paratos aliquot viginti nummos aereos, quibus hodie pro calculis utimur, clam Smendio condidit in manum, & hos, inquit, cum in fures istos incideris, pro veris nummis, rapacissimis illis nebulonibus in terram objice. Interim, dum ipsi ruunt in praedam, tu subditis calearibus volucrem equum in fugam age, salvis nummis. Adeo solicitus erat pro salute herili, nescius quanto versatiores sint in his artibus, qui vivunt sub signis, quam qui sub umbra.

Sed revocat nos Gruterus in suos fundos. Illic optimus pater totis conatibus agricolam induit, ocreas rusticas contra lutum emit & aquam, cucullum contra saevitiam aeris & ventorum comparat, hortos plantis, agros frugibus dividit, rusticatur, villicatur. Assuerat enim à multis jam annis huic voluptati, ut hortos coleret, herbas nosceret, plantas, olera, flores sereret. Saepe invenimus illum manus habentem nudas ad cubitum, sordidas ab humo, saepe pala, saepe rastro graves. Non enim sic in hortis versabatur, ut solent delicati, qui lumina tantum pascunt, & naribus blandiuntur, quos fructus juvat, labor non juvat, qui sub vino nascent vinum bibunt, & epulandi causa sub umbras adducunt suas umbras, qui nunquam terra inquinant candidas & illas —Cuniculi capillo Vel anseris medulla vel imula oricilla molliores manus ac vestes; quibus ad minimas molestias in ore est, lassus sum, morior calore, sudor me necat, pulvis suffocat, occidit frigus. Nostrum delectabat in labour fructus, & in fructu postea labor. Ille manibus suis infodiebat, quod debuit nasci, extrahebat, quod nocuit nascendo. Jucundum illi non tantum terram tractare, sed etiam laetamen. Risimus aliquando cum in stabulo retrimentum equinum tolleret, & odour laudato, mall se diceret hoc olere quam pyxides è vomica peregrinae capreae pretiosas. Adeo honestius ducebat agricolam aut pecuarium esse, quam voluptuarium.