Vitæ selectorum aliquot virorum qui doctrinâ, dignitate, aut pietate inclaruere

Inter haec Jacobus Walaeus, quod in aula Egmontii didicerat, moderata consilia sequebatur: unice intentus ne dissidium in tumultum & mutuam internecionem •rumperet. Verum cum animadverteret multitudinem in Hispanum tandem inclinare, ejus etiamdum exhorrescens crudelitatem, in Auriacum coepit propondere, & cum consanguineis suis Walaeis, Uleeschouweris, Bogardis, Mecriis hoc agere apud Magistratum, hoc apud civilis militiae Praefectos, ut Civitas in clientelam Principis Auriaci traderetur: imo cum Rijhovio hac in re Auriaci consilium petierat & auxilium. Cujus moliminis cum Embisio, jurato Auriaci host, suspicio suboriretur, apprehendi Jacobum Walaeum jussit, & in carcerem detrudi; una cum Nicolao Heinsio, Celeberrimi viri Danielis Heinsii patre, & denis aliis, plerisque militiae Praefectis: ubi per complures septimanas tam arcte custodiuntur, ut nec amicis, nec liberis, nec uxori, ad eos aditus daretur.

Inter haec Jacobus Walaeus, quod in aula Egmontii didicerat, moderata consilia sequebatur: unice intentus ne dissidium in tumultum & mutuam internecionem •rumperet. Verum cum animadverteret multitudinem in Hispanum tandem inclinare, ejus etiamdum exhorrescens crudelitatem, in Auriacum coepit propondere, & cum consanguineis suis Walaeis, Vleeschouweris, Bogardis, Mecriis hoc agere apud Magistratum, hoc apud civilis militiae Praefectos, ut Civitas in clientelam Principis Auriaci traderetur: imo cum Rijhovio hac in re Auriaci consilium petierat & auxilium. Cujus moliminis cum Embisio, jurato Auriaci hoste, suspicio suboriretur, apprehendi Jacobum Walaeum jussit, & in carcerem detrudi; una cum Nicolao Heinsio, Celeberrimi viri Danielis Heinsii patre, & denis aliis, plerisque militiae Praefectis: ubi per complures septimanas tam arcte custodiuntur, ut nec amicis, nec liberis, nec uxori, ad eos aditus daretur.

Quare Antonius è Lansbergii aedibus ad paternas redit, matri solatio futurus: ⟨p. 603⟩quae praeter eum tum Josinam, Joannam, Walburgim filias habuit. Et obsequii promptitudine, morum gratia, puerilibus blanditiis, non parum dolorem matris imminuit & lenivit: usque dumb ea pertaesa carceris, & guara maritum nullius facinoris esse sibi conscium, cum reliquis captivorum uxoribus Embisium adiit, rogans & obtestans, ne illis, ne maritis justitia denegetur, luerent si crimen commisissent, si innoxii ne carceris poena afficerentur. Ita aegritudo animum excitat, & perducit ad temeritatem.