Vitæ selectorum aliquot virorum qui doctrinâ, dignitate, aut pietate inclaruere

Sed Gomari consilio usus, Theologiae studium non est à lectione Locorum Communium auspicatus: ne ullius opinion imbutus, ne ullo praejudicio ab ipsa veritate abduceretur. Verum initio perlectis aliquoties Ecclesiarum ⟨p. 608⟩Reformatarum Concordiae formulis, Catechesi Heydelbergensi, & Confessione Belgica, totum see lectioni Sacrae Scripturae dedit. Eam legit attente, legit assidue; imo & praecipua Doctrinae capita memoriae mandavit. Adeo ut etiam senex Epistolam ad Romanos, secundam ad Corinthios, ad Galatas, Ephesios, Philippenses memoriter posset recitare. Legit autem lingua vernacula, quo in concionibus postea habendis, Scripturae verba promptius memoriae obversarentur.

Sed Gomari consilio usus, Theologiae studium non est à lectione Locorum Communium auspicatus: ne ullius opinione imbutus, ne ullo praejudicio ab ipsa veritate abduceretur. Verum initio perlectis aliquoties Ecclesiarum ⟨p. 608⟩Reformatarum Concordiae formulis, Catechesi Heydelbergensi, & Confessione Belgica, totum se lectioni Sacrae Scripturae dedit. Eam legit attente, legit assidue; imo & praecipua Doctrinae capita memoriae mandavit. Adeo ut etiam senex Epistolam ad Romanos, secundam ad Corinthios, ad Galatas, Ephesios, Philippenses memoriter posset recitare. Legit autem lingua vernacula, quo in concionibus postea habendis, Scripturae verba promptius memoriae obversarentur.

Cum autem sola Scripturae Sacrae lectione, totum Doctrinae corpus difficulter animo comprehenderet, jam Scripturae inquilinus, tandem ad Institutiones Theologicas Bucani accessit: quo Theologiam integram è compendio, uno quasi obtutu posset intueri. Compendio autem diu immoratus non est, quod delineationi picturae simile, lineas tantum quasdam & doctrinae circumductus contineat, nativum autem Disciplinae colorem, umbras, splendorem nequeat exprimere. Verum statim sese Institutionibus Calvini, & Petri Martyris Locis Communibus dedit. Non suppetebat hoc tempore Ecclesiis Reformatis ea Locorum Communium copia, ut anxie dispiciendum esset quinam reliquis deberent praeferri. Perplacuit tamen Martyr, quod totam Doctrinam pertractaret plane, deduceret fuse statum controversiae, & eum solid decideret. Putavit tamen adjungendum Calvinum, quod eum Reformati ut Ducem & merito sequerentur; quod praeteritis levioribus, ea sectaretur quae usum haberent: eaque proferret cum gratia & majestate, in quibus vis & robur sententiae Reformatorum consisteret. Qualibus authoribus non satis assuescere Juvenes possunt, qui rerum pondus nondum ex aequo norunt aestimare.