Vitæ selectorum aliquot virorum qui doctrinâ, dignitate, aut pietate inclaruere

Dumb Viennae haeret, & vicinarum Ecclesiarum Pastores invisit, animadvertit see amplius in illis oris: Junii laudibus, quam credebat, innotuisse. Invitabant enim cum vicinae Ecclesiae, amplis conditionibus, ut privatim docere Philosophiam, docere Theologiam aggrederetur, oblato ad laboris decrementum coadjutore. Sed qui necessitatem talis Scholae percipere non poterat, cum non nimis remotae essent Genevensis, Lausannensis, quique non desperabat similem studiorum fructum in Patria carpere; recusavit talem provinciam inter peregrinos suscipere, ubi facile exponi aliorum invidiae posset, nec consanguineorum tutela protegi. Verum ab Appollonio Schotte Gratianopolim usque deductus, inde mense Augusto Genevam accessit.

Dum Viennae haeret, & vicinarum Ecclesiarum Pastores invisit, animadvertit se amplius in illis oris: Junii laudibus, quam credebat, innotuisse. Invitabant enim cum vicinae Ecclesiae, amplis conditionibus, ut privatim docere Philosophiam, docere Theologiam aggrederetur, oblato ad laboris decrementum coadjutore. Sed qui necessitatem talis Scholae percipere non poterat, cum non nimis remotae essent Genevensis, Lausannensis, quique non desperabat similem studiorum fructum in Patria carpere; recusavit talem provinciam inter peregrinos suscipere, ubi facile exponi aliorum invidiae posset, nec consanguineorum tutela protegi. Verum ab Appollonio Schotte Gratianopolim usque deductus, inde mense Augusto Genevam accessit.

Genevae hospitium quaesivit, ubi quam maxime studia posset promovere: & id apud Carolum Perrottum elegit, Verbi Divini Ministrum, ac Sacrae Theologiae Professorem.

Prima Genevae cura fuit linguam Gallicam bene addiscere, quam seduia lectione Gallicorum Scriptorum, & frequenti conversatione cum civibus acquisivit: satis enim accurate honorati hic cives Gallicam linguam loquuntur, Et in ea tantum profecit, ut non raro Gallicas habuerit conciones.