A26815:1966
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Sirmundi, Pctavii, Rigaltii, doctorum hominum apud Puteanos toti plerumque sermones del•teris erant: his Valesius summopere delectabatur: inde scro, ac solito laetior domum reverti consueverat, praescrtim si magnum & praeclarum aliquid aut dixisset ipse, aut dicentes audisset.
Jam in notitia Graecarum ac Latinarum antiquitatum tantum profecerat Valesius, ut edere doctrinae suae publicum specimen posset. Ejus rei nec opinanti data est occasio. Nicolaus Fabricius Pcirescius, in suprema Curia Aquisextiensi Consiliarius Regius, vir doctus fautorque doctorum, ac locuples, veteres libros à Monachi; Graecis qui vulgo Calogeri vocitantur, nonnumquam emendos curabat. Hos inter à mercatore Massiliensi ad vectus erat ex insula Cypro Aquas Sextias codex priscus, Constantini Porphyrogenneti nomen ferens. Nimirum Imperator Constantinus, Leonis Aug. filius, Basilii Macedonis nepos, collectanea historica ex variis auctoribus, tribus & quinquaginta titulis incluserat, ac singulos titulos vel tractatus in 11. libros diviserat. Ex hisce titulis jampridem unus de legationibus extabat: alius tractatus [Greek or Hebrew] inscribebatur: quem Peirescius emtum, ut dixi, Luteciam Parisiorum ad amicos miserat. Ibi cum diu neglectus jacuisset, hortante Petro Puteano Regiae Bibliothicae custode, laboriosum opus & à cunctis recusatum Valesius audacter suscepit. Ex Polybio igitur, è Diodoro Siculo, è Nicolao Damasceno, & Appiano Alexandrino, ex Dione Cocceiano & Johann Antiochensi excerpta praeclara quotquot nondum publicata erant, in linguam Latinam eleganter transtulit, adnotationibusque multiplici ac varia erudition refertis illustravit, dicavitque Peirescio anno Domini MDCXXXIV. aetatis xxxi. nondum implcto: quem primum studiorum suorum foetum ipsemet in epistola appellat. Circa idem tempus cum apud veterem auctorem de portu Smyrnae clarissimae urbis Joniae legisset aliqua, quae non facile possent intelligi nisi ab eo qui locum vidisset; ac ea de re Fabricio Peirescio scripsisset: Peirescius una cum negotiat•re Massiliensi pictorem ex Provincia Smyrnam proficisci jussit, qui de ipsa navi portum Smyrnaeum diligentissime perspiceret ac delincaret, portumque penicillo expressum in membrana ad Valesium misit. Ex quo apparet hinc Valesii in commentandis auctoribus cura atque diligentia; inde Peirescii in juvandis ac promovendis ejus studiis benignitas singularis. Egit gratias Peirescio Valesius, sic tamen ut ingenue fateretur aliqua superesse, de quibus dubitandi causas haberet. At Peirescius graviter ferens nihil actum tanta impensa missi in Asiam pictoris, rescripsit Valesio, omnia se facienda fecisse, quibus deberet esse contentus: