A26815:49
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Biography Henry Chicheley: VITA HENRICI CHICHELE ARCHIEPISCOPI CANTUARIENSIS.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Interea in Concilio Constantiensi accerrimè disceptatum est de Ecclesiae Schismate per creationem novi Pontifcis conciliando, & de coercendis iis, qui Romanorum Pontificum superbiam, Ecclesiasticorum luxum, inertem monachorum vitam, & innumeras Romanae Ecclesiaecorruptelas jam liberrimè insectabantur. Horum antesignanus habebatur Joannes Wiclyff, qui sub Edvardo III & Richardo II Oxonii publicè docens, & libris deinceps editis plurimos non solùm ex Academicis, verurum ⟨p. 22⟩etiam è proceribus, & plebe in parts suas attraxerat. Ab eo ad reliquas gentes Christianas perrexerunt purioris doctrinae semina, & praesertim ad Boëmos, qui Wiclyffiana dogmata tam avidè amplectebantur, ut Pontifici Romano jam propemodum renunciare viderentur. Ut ergo illis occurreretur, decreto concilii Joannes Wiclyff haereticus pronunciatur, & sancitum, ut damnatâ ipsius memorià, ossa sepulchro eruta igni traderentur, & in omnes, qui ipsius dogmata tuerentur, tanquam haereticae pravitatis reos inquireretur. Inde de Boëmis agitur, & damnatis pariter eorum opinionibus, Joannes Huss, & Hieronymus Pragensis haeresiarchae judicati, flammisque combusti sunt. Quorum interitus maximam & Sigismundo Imperatori, & Concilio universo infamiam apud posteros concitavit, quod uterque Constantiam vocatus venerat sub fide publica, quam Sigismundus Ladis•ao Boëmiae regi dederat: eos salvos & incolumes domum reversuros. Qua tam faedè violata, Boëmi adeo indignati sunt, ut ascito Joanne Zisca duce fortissimo, Imperatorem deinceps in summum discrimen adduxerint. Synodus autem ipsa, ut facti illius dedecus elueret, Fidem khaereticis non esse servandam decrevit, accersitis Panormitano & Ludovico Romano, magni nominis jurisperitis, qui in eam sententiam tunc temporis responderunt, sicut etiam alii nonnulli, quos lcommovere authoritate sua illius Concilii Patres potuerunt. A qua tamen nJurisconsulti recentiores deinceps abhorruerunt, ipsosque adeò Pontificios ejus decreti puduit qui fidem publicam oLuthero datam ad conventum Wormatiensem, & Protestantibus