A26815:67
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Biography Henry Chicheley: VITA HENRICI CHICHELE ARCHIEPISCOPI CANTUARIENSIS.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Primus arbitrorum nominatus est qHenricus Cantuariensis, secundum eum Thomas Exoniensis Joannes Norfolciensis Duces, Thomas Dunelmensis, Philippus Wigorniensis, Joannes Bathoniensis Episcopi, Humfredus Comes Staffordiensis, Willielmus Aluewyke sigilli Custos, & Rodulph as Cromwell, qui praescriptis verborum formulis utrinque recitandis eos, conjunctis dexteris, injurias mutuas remittere, & in gratiam redire jubent: eámque conciliationem ordines suffragiis suis ⟨p. 34⟩confirmarunt. In eo etiam conventu pecuniae ad delectum militum decretae sunt: eandémque ob causam Henricus hoc ipso tempore XVII. Kal. Maii. Ecclesiasticos ad Synodum Londinensem edicto suo vocat: in qua illuc accedentibus Joanne Kemp Eboracense Archiepiscopo Cancellario, Waltero Hungerford Thesaurario regni, & Bedfordiensis immensis laboribus oratione diserta à Cancellario commendatis, media decima concessa est. Secundùm haec Henricus Wyntoniensis hoc anno in Cardinalium numerum à Martino Pontifice cooptatus, in Galliam cum Bedfordiense anno sequente profectus, Caleti in major illius Civitatis Basilica die Purificationis Beatae Virginis galerum & 2reliqua insignia magno paratu induit. Eam ille dignitatem ante octo annos sub Henrico V. summa ambition quaesitam à Joanne XXIII. impetraverat, qui eundem Cardinalem, & à latere suo in Angliam cum potestate maxima legatum quamprimùm designaturus erat: verùm Henricus Cantuariensis explorato hominis fastu, apud Regem tum intercessit, literis ad eum in Gallia tum agentem gravitèr & modestè scriptis, in quibus legatorum Pontificiorum potestatem de regia dignitate, legibus patriis, & Ecclesiae Anglicanae privilegiis derogare demonstrat. Earúmque literarum, quae ipsius Henrici manu exaratae adhuc conspiciuntur, exemplar hic subjecimus.
Primus arbitrorum nominatus est qHenricus Cantuariensis, secundum eum Thomas Exoniensis Joannes Norfolciensis Duces, Thomas Dunelmensis, Philippus Wigorniensis, Joannes Bathoniensis Episcopi, Humfredus Comes Staffordiensis, Willielmus Aluewyke sigilli Custos, & Rodulph as Cromwell, qui praescriptis verborum formulis utrinque recitandis eos, conjunctis dexteris, injurias mutuas remittere, & in gratiam redire jubent: eámque conciliationem ordines suffragiis suis