A70927:67
Animalis homo concio Latine habita ad Academicos Oxonienses, nono die Octobris 1649 pro inchoando…
Animalis homo concio Latine habita ad Academicos Oxonienses, nono die Octobris 1649 pro inchoando termino / authore Ed. Reynoldo.
Londini : Excudebat T. Ratcliffe pro Georgio Thomasono ..., 1659
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Probatur primò ex iis sacrae Scripturae locis, qui soli Spiritui hanc virtutem tribuunt, ut assensum firmum rerúmque Evangelicàrum intellectum ingeneret. Ille est qui dat cor ad intelligendum, & oculos ad videndum, Deut. XXIX.4. Dabo eis Cor, inquit, ut sciant me, Jer. XXIV.7. & XXXI.34. Erunt omnes docti à Deo. Joan VI.45. Pater gloriae det vobis spiritum revelationis & sapientiae in agnitione ipsius, ut illuminatis oculis mentis sciatis, quae sit spes vocationis ipsius, & quae opes gloriae hereditatis ipsius in sanctis, &c. Eph-Quisquis audivit & didicit, venit ad Christū, Joan.1 VI.45. unde vocatur [Greek or Hebrew] Gal. III.2. Quisquis itaque non venit, profectò nec didicit. Ita enim, inquit Augustinus, Deus docet per spiritûs gratiam, ut quod quisque didiceret, non tantù cognoscendo videat, sed etiam volendo appetat, & agendo perficiat. 2Et iterum: Qui credunt, praedicatore, forinsecus insonante, intus à Patre audiunt atque discunt: qui autem non credunt, foris audiunt, intùs non audiunt. Ille est, qui dat nobis mentem ut cognoscamus, 1 Joan. V.20. Qui mentē aperit ad intelligendū, Luc. XXIV.45. Cor etiam ad auscultandum, Act. XVI.24 & ad Jesum pro Domino agnoscendum. 1 Cor. XII.3. unde frequens illa Davidica precatio, quâ rogat ut Deus ipsum doceret, oculos aperiret, intellectum daret, cor dilataret, & in scientiam atque obsequium mandatorum adduceret, Psal. CXIX.18, 26, 27, 33, 73, 125, 144, 166. Neque enim nisi Spiritu Domini possumus, quasi retectâ facie, gloriā Domini intueri. 2 Cor. III.15-18. Deum scire nemo potest nisi Deo docente,