B07434:599
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Ar tús sind do mhothughadh ar n'aimirt ar mbochtain, & ar dtruaighe fain, & an mothughadh sin do ghineamhain, & d'oibriughadh dhoil gheas, & bhróin inar nindtindibh: ina dhiaidh sin sind d'fadodh & do lasadh le teandshaint admhail do riribh d'faghail fhobair, & grasa O Dhia, aní do fnédfadh fos teas, & ro shaint guidhe d'fadodh jondaind.
Ar tús sind do mhothughadh ar n'aimirt ar mbochtain, & ar dtruaighe fein, & an mothughadh sin do ghineamhain, & d'oibriughadh dhoil gheas, & bhróin inar nindtindibh: ina dhiaidh sin sind d'fadodh & do lasadh le teandshaint admhail do riribh d'faghail fhobair, & grasa O Dhia, aní do fnédfadh fos teas, & ro shaint guidhe d'fadodh jondaind.
245. Inó intleacht nadurdha no duithche shruthsnidhesh an tsaint no an taigneadhsa, ino ghrás DE tig se chuca?
Is egin Dia dar gcuidiughadh andso: oir atamaid fain vile aimhgher neamhthuigseach chuca araon: is se Spiorad DE ata ag dùsgadh osnaighe neamhindsineach jondaind, &, ata ag foirineadh ar n'aigneadh gus an tsaintse, neoch (amhail adder Pôl) ata arna jarraidh isin uirnadhe.
Is egin Dia dar gcuidiughadh andso: oir atamaid fein uile aimhgher neamhthuigseach chuca araon: is se Spiorad DE ata ag dùsgadh osnaighe neamhindsineach jondaind, &, ata ag foirineadh ar n'aigneadh gus an tsaintse, neoch (amhail ader Pôl) ata arna iarraidh isin uirnadhe.