B07434:612
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Ataid an'uirnaidhe aimideach diomhaoin, an mhèd nach bfuilid arna gcondmhail an'airde le gealladh ar bioth: oir ata aithne arna tabhairt duínne jarraidh le credeamh daingean, & ata gealladh arna chur less, go dtabharthar dhuínn, gach ní d'iarmaid a credeamh amhain.
Ataid an'uirnaidhe aimideach diomhaoin, an mhèd nach bfuilid arna gcondmhail an'airde le gealladh ar bioth: oir ata aithne arna tabhairt duínne jarraidh le credeamh daingean, & ata gealladh arna chur les, go dtabharthar dhuínn, gach ní d'iarmaid a credeamh amhain.
251. Maseadh ata d'fuighleach sind d'fechain cia O dtig an'oireadsa do dhóchas, & do dhánacht chugaind, jondas ar mbeth dhuínn ar mhodhaibh jomdha nemhdhiongmhalta abfiadhnaise Dé; gidheadh go mbiadh do chroidhe againd sind fain do thaisbeanaidh jna shealladh?
251. Maseadh ata d'fuighleach sind d'fechain cia O dtig an'oireadsa do dhóchas, & do dhánacht chugaind, jondas ar mbeth dhuínn ar mhodhaibh jomdha nemhdhiongmhalta abfiadhnaise Dé; gidheadh go mbiadh do chroidhe againd sind fein do thaisbeanaidh jna shealladh?
Ar tús ataid gealladh againd le nab inearbtha dhuínn air legean fa lár, & air bfagmhail ar ndiongmhaltacht fain jn'ar ndhiaidh: jna dhiaidh sin, mas sind cland DE, ata a Spiorad agar n'anmughadh, & ag'ar mbrostughadh gana ⟨p. 69⟩bheth an'amharus ar biodh duínn sind fain do bhreth go companta caibhneasach chuige, amhail go soich ar n'athair: & suil (tríd go bsnilmid jnar mbiastibh, & arar múchadh le tuigse ar bpeacadh) bhias gairbhe, & uamhana chumhacht gloireamhla oraind, ata see acur CHRIOST jna aidhne jnar gcomhair neoch ar mbeth dó ag foscladh entreasa, & dorais, nach inbethe dhuínn rochuramach fa ghrás, & fhobhar d'fhaghail.