Skip to content

Ask Library Bible Articles Connect

Toggle the side pane with ⌘ B

Library online
2,151 works
107 authors
135.7M words
1526–1797
812,035 Scripture references
Index built 2026-11-13

Filter authors and titles

Library
John Foxe
Christus triumphans comoedia apocalyptica / author Joanne FoxoChristus triumphans comoedia apocalyptica / autore Joanne Foxo
Act 5
Scene 3

Christus triumphans comoedia apocalyptica / author Joanne FoxoChristus triumphans comoedia apocalyptica / autore Joanne FoxoJohn Foxe, 1672

Actus V. Scena III. Jambici Trimetri,Actus V. Scena III. Iambici Trimetri,

pp. 97–10228 passages

Modern spelling is a reading aid: the words are the author’s, only the spelling is modernized. Original shows the page as printed, with the transcription marks.

:742p. 97

Actus V. Scena III. Jambici Trimetri,

Actus V. Scena III. Iambici Trimetri,

:743p. 97

Pornapolis. Pseudamnus. Anabasius. AN usquam os audiri tam projectum, aut impudens, Pornapolim dicere meretriculam ut audeat? Nec hiscat tellus? coelum aut rubet fulmine? Sed Pseudamnum, ubi sit, conventum nimis expeto.

:744p. 97

Pseud. Pornapolis, audistin' igitur?

:745p. 97–98

Porn. Audisse rogitas, Publica jam fabula quum fimus omnibus? Scripturas jam omnes lectitant, latomi, fabri, Figuli, & qui non? vulgique faex (mihi quod malè est) Jam coepit sapere. Quin & mores insuper ⟨p. 98⟩Nostros ad Evangelii trutinam exigunt.

:746p. 98

Pseud. Plus propè in hac re mali video, quàm remedii.

:747p. 98

Porn Jam hos nec vincula, unguli, eculei, enses, tormina, Flammae nec ultrices, nec quicquam territat.

PreviousActus V. Scena II. Trochaici Tetrametri Catalectici.Next Actus V. Scena IV. Scazontes Jambici.Actus V. Scena IV. Scazontes Iambici.

The Reformers and Puritans in their own words, with every quotation checked against the page.

Texts transcribed from the original printings by the Text Creation Partnership (EEBO-TCP and Evans-TCP) and dedicated to the public domain (CC0).

Read

Browse the library
Authors
Search the texts
Check a quotation
The Bible (KJV)
Articles

Use

Ask a question
Add it to your AI assistant
Connector reference

About

About AskReformation
Contact
Sources and licensing
Fair use
Privacy
Terms

:748p. 98

Pseud. Consilii quid capiam, cogito. Zenodore abi Hac cum rosa aurea ad Dynasten blanditer. Tu ensem aurea tectum vagina ad Dynamicum Perfer. Dromo, tuum est linolaneum hoc pallium ad Nesophilum uti feras. Principes volo primulùm Adamantino mihi ut stringantur foedere. Est disciplinae hoc. Quid aliud volui? Colax, Tu ad Diocten propera annulo cum hoc gemmeo. Ausculta in aurem: intellextin? Eadem tibi Quae dixi, illi ut dicas face. Virum ut se hic gerat,

:749p. 99

Anab. Alas mihi si quis nunc adaptet Daedalus, Pseudamno damna haec ut feram quàm primulùm. Atque eccum. Enge Pornapolis, utriusque me Miseret.

:750p. 99

Pornap. Quidnam mali Anabasi est?

:751p. 99

Anab. Quod si velim, Effari nequeam.

:752p. 99

Pseud. Primùm mihi id unum expedi: De Hierologo quid?

:753p. 99

Anab. Vinctus est, ac Theosebes Cum eo unà. At quid tum? Tu tamen nihilominus Vorsuram solvis.

:754p. 99

Pseud Quid ita?

:755p. 99–100

Anab. Mundus quia diu Jam oculis captus, videre coepit: naribus Diutius nec duci; homines literae ac Linguae passim perpoliunt: fuco nihil Proficitur. Imperio undique tuo oppeditur: Claves vilescere, Bullas concacarier. Fulmen ubique ac diadema triplex temnier: ⟨p. 100⟩Christum ipsum vivere. Corpus monstrum esse, duo quod Alit capita. Pompam, luxum, libidinem, Saevitiam, doctrinam, veneficia, scelera, Fucos, fumos, vitaeque strepitum tragicae, Facilè qui sis arguere: Antichristum esse te ¹Denique, constanter credier.

1Dimeter.

:756p. 100

Pseudam. Quid ais?

:757p. 100

Anab. Te Antichristum Pseudamne: esseque Pornapolim hanc, pellicem Babyloniam, die Magis lucescere.

:758p. 100

Pseud. Men' Antichristum, cedo?

:759p. 100

Anab. Bestia quem signat scilicet Apocalyptica.

:760p. 100

Pseud. Mundus mirum ut delirat senio! Bestia Turcam haec monstrat Mahometicum.

:761p. 100–101

Anab. Id & responderam. At Contrà illi (ut sunt acutuli) Phy, inquiunt, Fieri haud pote est. Quî dum? Primùm scriptura quòd Sedem hanc obtenebratum iri praenunciat: fateor, ⟨p. 101⟩Id nobis evenisse, haud Turcis• certum est modò, Res quum splendescunt Turcicae indies magis. Dein neque negari possit, quin vulnere Uno haec sit capitali plectenda Bestia: Quae, recuperato ictu, sanescet denuò. Id quod nimis in Triagonesa est gente liquidum: Negatam quae prius, nunc iterum firmat fidem, Nesophili nostri opera. Eóque secunda habent Illum pro bestia, idem quam vates nunciat.

:762p. 101

Pornap. Me miseram!

:763p. 101

Pseud. Quî putant?

:764p. 101–102

Anab. Vitae ac voci quia Inanimem bestiae reddidit imaginem Suis phrenapatiis, Agni dumb cornua Fingit Lupus, tygride quavis imanior. Remque ita habere, ipsa res (inquiunt) arguit. ⟨p. 102⟩Haud haec in Turcas, vos nisi Turcae sitis, Congruere. Tum Europaeus ne nos deserat Insuper, ut affectum video, metus est.

Anab. Vitae ac voci quia Inanimem bestiae reddidit imaginem Suis phrenapatiis, Agni dum cornua Fingit Lupus, tygride quavis imanior. Remque ita habere, ipsa res (inquiunt) arguit. ⟨p. 102⟩Haud haec in Turcas, vos nisi Turcae sitis, Congruere. Tum Europaeus ne nos deserat Insuper, ut affectum video, metus est.

:765p. 102

Por. Pseudamne, ni me fulcitis, labasco.

:766p. 102

Pseud. Vah Levi perculsa nuncio tam muliebriter?

:767p. 102

Porn. Non: sed nescio quid morbi me subitò impetit, Oborta primùm vertigo mihi synciput Exturbat, cor molari veluti lapide Premitur, pes nec officio fungitur. Proin me hinc abducite: & medicos, quantum potest, Adducite.

:768p. 102

Pseud. Anabasi, tu hinc ad laevam occupa. Ego me hic praebebo ad dextram.

:769p. 102

Por. Vix sum pedum compos.